ऋचा शर्मालाई ‘बोल्ड’ हुने रहर, ‘जंगे’ ट्रेलरको यस्तै छ ठहर

अभिनेत्री ऋचा शर्मालाई अहिले भने ‘बोल्ड’ हुन मन लागेको जस्तो देखिएको छ । फिल्म भित्र गाउँले महिलादेखि जीवन्त कथामा अभिनय गर्ने ऋचा अब भने ‘बोल्ड’ शैलीमा देखिन थालेकी छिन् ।

ऋचाले महिना दिन अगाडि एक अंग्रेजी म्यागेजिनका लागि पनि ‘बोल्ड’ फोटोसुट गरिन् । आफ्नो ‘क्लिभेज’ स्पष्ट देखिने गरि उनले फोटोसुट गरेकी थिइन् । उनै ऋचा अब फिल्म ‘जंगे’मा बोल्ड दृश्यका साथ देखिएकी छिन् । राजधानीमा पत्रकार सम्मेलन गर्दै उत्कल थापा निर्देशित यो फिल्मको ट्रेलर सार्वजनिक गरियो । अष्ट्रेलियामा रहेका उत्कलले भिडियो सम्बोधन गर्दै फिल्मलाई जंगबहादुर राणाको आधुनिकतालाई प्रस्तुत गरिएको बताए ।

फिल्मको शिर्ष पात्रमा देखिएका अभिनेता सुरज सिंह ठकुरीले ‘जंगे’लाई पैसा असुल फिल्म भनेका छन् । अभिनेत्री ऋचा शर्माले फिल्मको कथावस्तु उत्कृष्ट बनेको भन्दै काम गर्दा मिहिनेत गरेको बताए । फिल्मका निर्माता तथा छायांकार सुसन प्रजापतिले फिल्मलाई व्यवसायिक भनेका छन् । फिल्ममा नरेश पौडेल, सुशिलराज पाण्डे, ज्योती कार्की लगायतका कलाकार पनि मुख्य भूमिकामा देखिएका छन् ।