गीत विनाको सरोजको फिल्म, जेलमै हुनेछ अधिकांश दृश्य

अब, अभिनेता सरोज खनाल निर्माता बन्ने भएका छन् । खनालले बनाउन लागेको फिल्मलाई विकास आचार्यले निर्देशन गर्दैछन् । जसले बनाएको ‘नाई नभन्नु ल ३’ र ‘४’ मा सरोज खनालको अभिनय छ ।

सरोजले बनाउन लागेको फिल्मले जनयुद्धको समयमा एक माओवादी लिडरले देखेका र भोगेको कथालाई उठान गरेको छ । जेलमा एक माओवादी लिडरलाई ल्याइसकेपछिको कथामा फिल्म बन्नेछ । फिल्मको दुई तिहाई दृश्य जेलमै खिचिनेछ भने केही दृश्य मात्र आउटडोर खिचिनेछ । फिल्ममा गीत हुनेछैन ।

सरोजले काम गरेका फिल्ममा गीतसंगीत खुबै चर्चित बने । तर, अब सरोज भने विकासलाई लिएर गीत र अभिनेत्री विनाको फिल्म बनाउन  तम्सिएका छन् ।