‘जंगे’मा यस्ता सुरज सिंह
फिल्म ‘जंगे’को टिजर बाहिरिएको छ । टिजरमा फिल्ममा मुख्य अभिनेता सुरज सिंह ठकुरीको आक्रामक लुक देखाइएको छ । सुसन प्रजापतिले फिल्मको निर्माण गरेका हुन् । फिल्म वैशाख १७ गतेबाट नेपाल लगायत विभिन्न देशमा रिलिज हुने भएको छ ।
फिल्ममा सुभाष कोइराला र एमएस अंग्रजको पटकथा तथा संवाद, सुसन प्रजापतिको छायांकन, सम्राट बस्नेतको द्धन्द्ध, उज्ज्वल ढकालको सम्पादन, अल्मोडा राना उप्रेतीको संगीत छ । फिल्ममा ऋचा शर्मा, नरेश पौड्याल, दीपशिखा शाही मुख्य भूमिकामा छन् ।
सत्ताका लागि हुने लडाइका कारण जंगे जस्ता पात्र जन्मन्छन् भन्ने कथा नै फिल्मको मुख्य सार हो ।
