२७ बर्षमा लागिन् श्रद्धा

बलिउड अभिनेत्री श्रद्धा कपुर आजबाट २७ बर्षमा लागेकी छिन् । बलिउडमा आएसँगै उनले लगातार हिट फिल्म दिइरहेकी छिन् ।
श्रद्धाले खेलेका आशिकी २, एक भिलेन हिट भएका थिए । सन् १९८९ को मार्च ३ मा उनको जन्म भएको थियो । श्रद्धा बलिउडका चर्चित खलनायक शक्ति कपुरकी छोरी हुन् ।

आफ्नो जन्मदिनमा आफूलाई परिवारसँग खाना खान मनलाग्ने उनको भनाई छ । जन्मदिनमा चकलेट फ्लेवरको केक काट्न रुचाउने श्रद्धालाई परिवारले ‘ललिपप’ उपनामले पनि चिन्छन् । श्रद्धाले अभिनय गरेका ‘रक अन २’, ‘वाघी’ जस्ता फिल्म रिलिजका लागि तयार छन् ।