‘नाई नभन्नू ल ४’ को शीर्ष गीत यस्तो (भिडियो हेर्नुस्)

चलचित्र ‘नाई नभन्नू ल ४’ को नयाँ गीत सार्वजनिक भएको छ । चलचित्रको यस शीर्ष गीतमा पल शाह र बर्षा राउतलाई देख्न सकिन्छ । गीतमा राजेश पायल राई र रजिना रिमालको आवाज रहेको छ । संगीत बसन्त सापकोटाको हो भने गीतलाई उनले आफै लेखेका हुन् ।

भर्खरै युट्युब मार्फत सार्वजनिक गरिएको यस गीत बाहेक यसअघि सार्वजनिक गरिएको चलचित्रका दुई गीतलाई दर्शक स्रोताले रुचाएका छन् । ‘मैना राजा मैना रानी’ ११ लाख भन्दा बढीले हेरिसकेका छन् भने ‘चिया कफी’को स्वाद लिनेको संख्या ५ लाख नाघिसकेको छ ।

चैत्र २६बाट प्रदर्शनमा आउने चलचित्र ‘नाई नभन्नू ल ४’ मा प्रियंका कार्की, अनुभव रेग्मी, सरोज खनाल, पल शाह, वर्षा राउत, आँचल शर्मा लगायतको अभिनय रहेको छ । सिनेमालाई बिकास आचार्यले निर्देशन गरेका हुन् ।