प्रिती जिन्टाले गरिन् सुटुक्क बिबाह

बलिउड अभिनेत्री प्रिती जिन्टाले आफूभन्दा १० बर्ष कान्छा यूवकसँग सुटुक्क अमेरिकामा बिहे गरेकी छिन् । उनले सोमबार अमेरिकाको लस एन्जल्समा बिहे गरेको भारतीय मिडियाको दाबी छ । उनले आफू भन्दा १० बर्ष कान्छा प्रेमी जीन गुडइनफसँग विबाह गरेको उल्लेख छ ।

यसका लागि डिम्पल गर्ल जिन्टा केही समय अगाडि नै अमेरिका उडेकी थिइन् । अभिनेता कविर वेदीले उनलाई ट्विटरमार्फत बधाइ दिएकाले पनि उनले  बिहे गरेको वुझ्न सकिन्छ ।

करिब ३ बर्षदेखि यो  जोडी प्रेममा रहेको चर्चा थियो । तर, भारतीय मिडियाले यस अगाडि नै जिन्टाले बिहे गर्न लागेको खबर छापेपछि उनी क्रुद्ध भएकी थिइन् ।