अराजको ‘फेरी पनि’

गायक, र्यापर तथा निर्देशक अराज केशव गिरी अब नयाँ चलचित्रको साथमा आउने भएका छन् ।  ‘विर्खेलाई चिन्छस्’ नामक चलचित्रबाट निकै राम्रो प्रशंसा बटुलेका गिरीले निर्देशन गर्न लागेको नयाँ चलचित्रको नाम ‘फेरी पनि’ राखिएको छ । यसअघि उनले ‘जिग्री’ नामको चलचित्र  निर्देशन गर्ने खुबै हल्ला चलेको थियो तर सुन्नमा आएअनुसार अराजले ‘जिग्री’ भन्दा अघि ‘फेरी पनि’को काम शुरु गर्देछन् ।

अराज स्वयंको लेखन तथा निर्देशन रहने यस सिनेमामा हरी लम्साल, मोहित मुनाल तथा सुजन केसीको संगीत रहनेछ । सिनेमाा भुपेन्द्र खड्का सुयर भट्टराईले गीत लेख्नेछन् । रोमान्टिक लभ स्टोरी चलचित्र ‘फेरी पनि’ विशेषत विदेशमा छायांकन गरिने जानकारी गराईएको छ । अष्ट्रेलिया, युरोप र नेपालको सिनेमाको छायांकन गरिनेछ । चलचित्रका कलाकार र प्राविधिकहरु भने फाईनल भईसकेका छैनन् ।