प्लेन चार्टर गरेर जेलबाट निस्कदै संजय दत्त

बलिउड अभिनेता संजय दत्त भोली जेलबाट छुटदैछन् । करिब ४२ महिना लामो जेल जीवन सकेर उनी बाहिर निस्कन लागेका हुन् । करिब ४ बर्षको अन्तरालमा संजयले ४५० रुपैयाँ कमाएको समाचार त सार्वजनिक भैसकेको छ । अब, संजय जेलबाट फिल्मी स्टाइलमा बाहिर निस्कने भएका छन् ।

पूणेमा रहेको यरवदा जेलबाट संजय चार्टर प्लेनमार्फत मुम्बई जानेछन् । मुम्बइसम्म पुग्न ३ घन्टा लाग्ने र सुरक्षाका कारण पनि खतरा हुने भएकाले संजय प्लेन चार्टर गरेर मुम्बई जान लागेका हुन् । मुम्बइबाट भने उनी कार मार्फत आफ्नो घर जानेछन् ।

संजयको स्वागतका लागि उनको परिवारले पनि भव्य तयारी गरेको छ । संजय पनि जेलबाट फिल्मी शैलीमै बाहिर निस्कन लागेका छन् ।