आमेष र साम्राज्ञी, जसका लागि महत्वपूर्ण फागुन २१

फागुन २१ गते अहिले नेपाली फिल्म वृत्तमा एकदमै चर्चामा छ । दुई प्रतिक्षित फिल्म चल्न लागेकाले पनि यो मिति महत्वपूर्ण मानिएको होला ।

तर,यो मिति दुई कलाकारका लागि अझ विशेष छ । फिल्म ‘फूलै फूलको मौसम तिमीलाई’का अभिनेता आमेष भण्डारीका लागि यो फिल्म महत्वपूर्ण छ । उनको यो पहिलो फिल्म हो । यो फिल्म चलेमा उनी यो क्षेत्रमा उदाउनेछन् । आमेषको मनको ढुकढुकी बढेको छ ।

उनीसँगै यो क्षेत्रमा उदाउन लागेकी अभिनेत्री साम्रज्ञी राज्य लक्ष्मी शाह यही दिन ‘ड्रिम्स’ फिल्मबाट उदाउने दाउमा छिन् । आमेष र साम्राज्ञीका लागि संभवत यो मिति सर्वाधिक चासो र चिन्तामा छ ।

आमेषलाई फिल्मको अभिनेता बनेर जम्नु छ भने साम्राज्ञी पनि अभिनेत्रीको रुपमा जम्न चाहन्छिन् । दुबै जना आ आफ्नो फिल्मलाई लिएर उत्साहित देखिएका छन् ।