प्रियंकाले दुखाइन् निर्देशकको मन
बलिउडका कलाकार आफ्नो फिल्मको प्रमोशनमा खुलेरै लागेका हुन्छन् । तर, अहिले अभिनेत्री प्रियंका चोपडालाई बलिउड हैन हलिउडको हावाले छोएको छ । अंग्रेजी सिरियल क्वान्टिकोमा काम गरेपछि अर्को हलिउड फिल्ममा काम गर्नका लागि अमेरिकामा रहेकी प्रियंकाले आफ्नो फिल्मको निर्देशकको मन दुखाइन् । उनले अभिनय गरेको फिल्म ‘जय गंगाजल’ १० दिनपछि रिलिज हुँदैछ । तर, प्रियंका भारतमा नभएर अमेरिकामा हलिउड फिल्म खेल्न व्यस्त छिन् ।
फिल्मका निर्देशक प्रकाश झाले प्रियंकाले आफूहरुसँग तालिम लिदा त्यसको फाइदा क्वान्टिकोलाई भएको बताए । उनले नमस्कार गर्दै मिडियाको अगाडि प्रियंकाले साथ नदिएकोमा असन्तुष्टी व्यक्त गरे ।
