सलमानलाई ज्यान मार्ने धम्की

अभिनेता सलमान खानलाई ज्यान मार्ने धम्की आएको छ । तर सलमान खानलाई कसैले फोन गरेर ज्यान नै मार्ने धम्की भने दिएको होइन ।

मुम्बइ पुलिसको कन्ट्रोल रुममा आएको एक फोनले अहिले तहल्का मच्चाएको छ । विनाकारण फोन गर्ने एक व्यक्तिले बलिउड अभिनेता सलमान खानको ज्यान लिने धम्की दिएका थिए । उनले सलमानलाई किन मार्न चाहन्छन् भन्ने केही पनि भनेनन् ।

प्रहरीले यो कुरालाई गम्भिर रुपमा लिएको बताएको छ । प्रहरीको कन्ट्रोल रुममा यस्ता फोन दुख दिनका लागि पनि आउने गरेका छन् । तर, बलिउडकै चर्चित स्टारलाई ज्यान मार्ने धम्की आएपछि यसलाई गम्भिर रुपमा लिएर अनुसन्धान सुरु गरिएको छ । प्रहरीले फोन गर्ने मानिसले कुन स्थानबाट फोन गरेको थियो भन्ने  पत्ता लगाएको छ ।