अर्जुन कपुरले तोडे करिनाको ‘नो किसिङ’को सोच

बलिउड अभिनेता सैफअली खानसँग बिहे गरेपछि फिल्मको पर्दामा किस नगर्ने अठोट लिएकी बलिउड अभिनेत्री करिना कपुरको योजनालाई अर्का कपुर अभिनेताले तोडेका छन् । फिल्म कि एन्ड कामा अभिनेत्री करिना कपुरलाई अभिनेता अर्जुन कपुरले चुम्बन गरेका छन् ।
हालै मात्र सार्वजनिक भएको फिल्मको पोष्टरमा करिना र अर्जुनले चुम्बन गरेका छन् । सार्वजनिक भएको यो पोष्टर प्रचारका लागि मात्र हो कि भन्ने अनुमान पनि गरिएको छ ।

कतिपयले यसलाई फोटोसपबाट सम्पादन गरिएको तस्बिर पनि भनेका छन् । तर, यी दुइको चुम्बन हेर्दा लाग्छ, यी दुइले फिल्ममा गजबकै रोमान्स गरेका छन् ।