प्रियंकाको जन्मदिनमा ‘वडा नम्बर ६’ को केक
मज्जाको अनलाईन, फागुन १५ गते शुक्रबार, २०७१, काठमाण्डौं ।
नायिका प्रियंका कार्कीले आज आफ्नो २८ औ जन्म दिन मनाईन् । उनको जन्मदिनमा चलचित्र ‘वडा नम्बर ६’ युनिटले बिषेश केक काट्यो । चलचित्रका निर्माता दिपकराज गिरी र दिपाश्री निरौलाले आफ्नो सिनेमाको नायिका प्रियंकालाई घरमै डाकेर केक काटेर खुवाए, जन्मदिनको शुभकामना दिए ।
तिथिका हिसाले महाशिवरात्रीका दिन जन्म दिन परे पनि मितिका हिसाबले उनले आजैका दिन जन्म दिन मनाउने गरेको जानकारी गराईन । यसैगरी नायिका कार्कीकोे जन्म दिनको अवसर पारेर रेडियो अडियोको कार्यक्रम ‘धनियाँकी दुनियाँ’मा विभिन्न कुराहरुको खुलासा पनि गरिन् । जन्मदिनमा आफुले केही संकल्प नगरेको उनले बताईन् । “आफु जस्तो छु सधैभरि त्यस्तै रहिरहन पाईयोस यही नै मेरो कामना हो” उनले भनिन् “म जुन क्षे्त्रमा छु खुशी छु आफुले सानैदेखि इच्छाएको क्षेत्रमा भएकाले पनि कुनै कुराको गुनासो छैन” ।
त्यस्तै आगमी दिनमा पनि अझ राम्रो राम्रो चलचित्रमा काम गर्ने चाहना रहेको पनि उनले सुनाईन । आफ्नो लगि काम भन्दा ठुलो कुरा केही नभएको बताउदै भनिन् “मेरो त लभ पनि काम सँगै परेको छ, म चाहान्छु कामसँगको मेरो लभ अझ डिप होस् ।” ‘तपाईलाई को सँग काम गनै सबैभन्दा रमाईलो लाग्छ ?’ भन्ने प्रश्नमा उनले भनिन् “पछिल्लो समयको मेरो सबैभन्दा मिल्ने साथी दयाहाङ्ग हो, मलाई दयासँग काम गर्दा सबैभन्दा रमाईलो लाग्छ ।” नायिका कार्कीले ब्याक टु ब्याक दुई वटा चलचित्र ‘वडा नम्बर ६’ र ‘हाउ फन्नी’मा दयासँग सँगै काम गरेकी छिन् ।
उनलाई जन्मदिनमा उनको भाई सान बस्न्यातले नै सबैभन्दा पहिला विस गरे रे । त्यस्तै सानले उनलाई विदुईवटा किताब उपहार पनि दिएका रहेछन् । उनले जन्मदिनमा आफ्ना साथीहरुबाट चकलेट पनि उपहार पाईन रे । त्यस्तै आमाको तर्फबाट बैजनी रंगको लेहेङ्गा उपहार पाएर पनि उनी निकै दंग देखिईन् ।
फोन र फेसबुक अनि ट्वीटरमा जन्मदिनको शुभकामना दिएकोमा उनले सबै दर्शक अनि शुभचिन्तकहरुलाई धन्यवाद भन्न पनि भ्याईन् । साँझ करिब साढे ६ बजेतिर दिपाश्री निवासमा केक कटिईरहदा निकै खुशी देखिएकी प्रियंका भन्दै थिईन “आजको मेरो यो पहिलो केक हो, वडां. नम्बर ६ युनिटले जन्मदिनमा बोलाएर केक काटिदिदा निकै खुशी लागेको छ ।”
सन् २०११ देखि चलचित्रको रंगीन दुनियमा प्रवेश गरेकी नायिका कार्कीले अभिनय गरेको पहिलो चलचित्र ‘मेरो वेस्ट फ्रेन्ड’ हो भने रिलिजको हिसाबले पहिलो ‘थ्री लर्भस’ हो । करीब १ दर्जन फिल्ममा अभिनय गरिसकेकी नायिका प्रियंका कार्की चलचित्र ‘वडा नम्बर ६’ की समेत नायिका हुन् । उनलाई चलचित्रमा दिपकराज गिरी, जितु नेपाल, सिताराम कट्टेल धुर्मुुस, केदार घिमिरे माग्ने बुढा, दयाहाङ्ग राई लगायतले साथ दिएका छन् । चलचित्र ‘वडा नम्बर ६’ को निर्देशन उज्वल घिमिरेले गरेका हुन् । यतिबेला पोष्ट प्रोडक्सनमा रहेको सिनेमा ‘वडा नम्बर ६’ लाई दिपक, दिपा र निर्मल शर्मा गैडाले मिलेर बनाएका हुन् ।
