‘छल्कियो पानी…. अनि प्रियंकाको जवानी….’

मज्जाको अनलाईन, फागुन १४ विहिबार, २०७१, काठमाण्डौ ।

‘छल्कियो पानी… पानी झै छल्कियो जवानी’… गीतमा खुब मज्जासँग नायिका प्रियंका कार्कीले कम्मर मर्काएकी छिन् । उनीसँगै निकै चकचके अवतारमा नायक आर्यन सिग्देल पनि देखिएका छन् । गीतको भिडियो हेर्दा  टिपिकल नेपाली पाराको देखिन्छ ।  गीत हो चलचित्र ‘नाई नभन्नु ल ३’ को । गीतमा आवाज  प्रल्हाद तिमल्सिना र मलिना राईको छ भने शब्द संगीत बसन्त सापकोटाले तयार पारेका हुन् ।

मुस्कान ढकालले निर्देशन गरेको चलचित्र ‘नाइँ नभन्नु ल ३’ मा आर्यन सिग्देल, प्रियंका कार्की, सुरज सिंह ठकुरी, सन्चिता लुईटेल साथमा बालकलाकार अनुभव रेग्मी, सफला भट्टराई लगायतको मुख्य भुमिका रहेको छ । चैत्र २७ गते बाट सार्वजनिक प्रर्दशनमा आउन लागेको यस चलचित्रको शीर्ष गीत यसअघि नै सार्वजनिक भईसकेको छ, जसलाई दर्शकहरुले रुचाएको पाईयो ।

यसअघिका सुपरहिट हिट चलचित्रहरु ‘नाई नभन्नु ल’ पहिलो र दोस्रो बाट सबैको वाहवाही पाएका निर्देशक बिकास आचार्यले यसपाली भने निर्देशकको रुपमा मुस्कान ढकाललाई रजतपटमा भित्र्याएका छन् । यसपाली निर्देशकबाट निर्मातामा बढुवा भएका बिकासले चलचित्रबाट निकै ठुलो आशा राखेका छन् । चलचित्रलाई पुरुषोत्तम प्रधानले खिचेका हुन भने कोरियोग्राफी कविराज गहतराजको छ ।