छुदैमा चिनियो, अब केही बोल्नुपर्छ र ?

स्वं. निर्देशक शिव रेग्मी निर्देशित प्रर्दशन हुन बाँकी अन्तिम चलचित्र ‘मनले मनलाई छुन्छ’को नयाँ गीतको शब्द हो यो । भर्खरै गीतलाई युट्युबबाट सार्वजनिक गरिएको छ ।

गीतमा आवाज दिपक लिम्बु र प्रविशा अधिकारीको रहेको छ । चलचित्रका संगीतकार भने बसन्त सापकोटा हुन् । “शिव रेग्मीकै शब्दमा रहेको यो गीतलाई सबैले मनपराउनु हुनेछ भन्ने अपेक्षा छ” चलचित्रका निर्माता समेत रहेका नायक बिरेन श्रेष्ठ भन्छन् “चलचित्रको प्रोमोलाई झै यो गीतलाई पनि जतिले हेर्नुभएको छ उहाँहरुले राम्रो भन्नुभएको छ ।”

चलचित्र ‘मनले मनलाई छुन्छ’ यही चैत्र २८ गते अलनेपाल रिलिज हुदैछ । चलचित्रमा बिरेन श्रेष्ठ, गरिमा पन्त, सुमन सिंह, केशव भट्टराई, मिथिला शर्मा लगायतका कलाकारहरुले अभिनय गरेका छन् ।

नायक बिरेन श्रेष्ठ र सुनिल सिटौलाले मिलेर यो सिनेमा बनाएका हुन् । डेढ बर्ष अघि नै प्रर्दशनका लागि तयार भएको चलचित्र ‘मनले मनलाई छुन्छ’ले अहिले आएर मात्रै रिलिजका लागि हल पाएको हो ।