केकी अधिकारी सफल होलिन् कि होला असफलताको ह्याट्रिक ?

यो बर्ष अभिनेता अनमोल केसीले सफलताको ह्याटि्रक गरे । लगातार ३ फिल्म हिट दिएर अनमोल सुपरस्टारको रुपमा चिनिए । नेपाली फिल्ममा अहिलेकी व्यस्त अभिनेत्रीको रुपमा चिनिएकी केकी अधिकारी भने आज अर्थात शुक्रबार फिल्म भाग् सानी भाग् मार्फत दर्शकमाझ आएकी छिन् । केकीको यो फिल्म चलेको खण्डमा उनी यो बर्ष असफलताको ह्याट्रिकबाट जोगिनेछिन् । किनकी, बागमती र फन्को पूर्ण असफल भैसकेका छन् ।

केकी अधिकारी नै शिर्ष भूमिकामा रहेको चेतन सापकोटा निर्मित फिल्म भाग् सानी भाग्लाई कमेडी जनरामा निर्माण गरिएको छ । नवल नेपालले निर्देशन गरेको यो फिल्ममा सविन श्रेष्ठ र केकी अधिकारी भाग्नेछन् ।

यो बर्ष केकीका लागि यो फिल्म चल्नैपर्छ । होइन भने उनको मार्केट भ्यालू कमजोर परेको त देखिने नै छ, बर्षको अन्तिममा हुने समिक्षामा नराम्रो चर्चा पनि उनले फेस गर्नुपर्नेछ ।