देखाइयो कान्छी कलाकारको ‘द स्ट्रेन्ज चाइल्ड अफ रुलर भिलेज’

मज्जाको अनलाईन समाचार, काठमाण्डौ, कार्तिक २३–

नेपालकै कान्छी कलाकार भनिएकी एनी भट्टराईद्वारा अभिनित एक चेतनामुलक लघु चलचित्रको आज राजधानीमा विशेष शो गरिएको छ ।

ग्रामिण क्षेत्रका बालबालिकाहरुको कथामा आधारित ‘द स्ट्रेन्ज चाइल्ड अफ रुलर भिलेज’ नामक चलचित्रको विशेष शो गरिएको हो । जँहा नेतादेखि चलचित्रकर्मी र पत्रकारहरुको समेत सहभागिता रहेको थियो ।

विशेष शोमा वरिष्ठ चलचित्रकर्मी यादव खरेल, एमालेका युवा नेता योगश भट्टराई लगायतको सहभागिता रहेको थिए । सहभागिहरुले यस्तो विषयमा चलचित्र बन्नु नै सकरात्मक पक्ष रहेको बताएका थिए । कार्यक्रममा कान्छी कलाकार एनीलाई सम्मान पनि गरिएको थियो । ‘उदाहरण’ चलचित्रबाट डेब्यु भएकी एनीको यो दोश्रो चलचित्र हो ।

एनीका अलावा चलचित्रमा निलम भट्टराई, कुशुम गुरुङ, ज्ञानबहादुर शाही, राजकुमार सुवेदी लगायतको पनि भुमिका रहेको छ । अन्तराष्ट्रिय फिल्म फेस्टिबलमा सहभागिता जनाउनका लागि तयार गरिएको यस चलचित्रको छायांकन काठमाडौंमा भएको हो । चलचित्रलाई ठूलो पर्दामा देखाउने तयारी पनि भइरहेको बताइएको छ ।

आरुसी भट्टराईको निर्माण रहेको यस चलचित्रलाई सन्तोष ढकालले निर्देशन गरेका हुन् ।