स्व. निर्देशक आलोकलाई मनपर्ने गीत ‘के कुरा कसले तिमीलाई सुनायो’ (भिडियो)

काठमाण्डौ, कार्तिक २१–

स्वर्गिय निर्देशक आलोक नेम्वाङद्वारा निर्देशित अन्तिम चलचित्र ‘अझै पनि’ मा समावेश ‘के कुरा कसले तिमीलाई सुनायो’ बोलको गीत सार्वजनिक भएको छ । उनी प्रति श्रदान्जली अर्पण गर्दै ‘अझै पनि’ युनिटले उक्त गीत सार्वजनिक गरेको हो ।

विजय सिवाकोटीको शब्द रहेको उक्त गीत  स्वं. आलोकलाई सबैभन्दा मनपर्ने गीत रहेको बताइएको छ । स्याड भर्सनको सार्वजनिक गीतमा अभिनेता सुर्दशन थापा मुख्य फिचर छन् । सार्वजनिक गीतका रचनाकार विजय सिवाकोटी हुन भने संगीतकार सचिन सिंह र स्वर राजु तामाङको हो ।

गाउँले परिवेशमा निर्माण भएको फिल्म ‘अझै पनि’ मा सुदर्शनसँगै पूजा शर्माको मुख्य भूमिका छ । सुदर्शन थापा प्रोडक्सन र पुनम इन्टरनेटमेन्टको संयुक्त लगानीमा निर्माण भएको फिल्म ‘अझै पनि’ को सम्पूर्ण पोष्ट प्रोडक्सनको कार्य बाँकी छ । निर्माता एवं अभिनेता थापाले बाँकी फिल्मको काम आफैंले पूरा गर्ने बताए । फिल्म आउँदो फाल्गुन १५ देखि प्रर्दशन हुँदैछ ।

‘सानो संसार’, ‘कोही मेरो’ र ‘अझै पनि’ गरी तीन नेपाली फिल्म र ७ सय बढी म्युजिक भिडियोका निर्देशक नेम्वाङले    गत बिहिबार साँझको समयमा उनी बस्दै आएको धापासीस्थित ग्रान्डी अपार्टमेन्टमा गलपासो लगाएर आत्महत्या गरेका थिए । उनको निधनले सिंगो नेपाली सिने नगरी अहिले शोकमग्न अवस्थामा रहेको छ ।

Watch Video Here :-