यस्तो छ ‘हवल्दार सुन्तली’ को पहिलो मुहार, जँहा शिल्पा देखिइन् प्रहरी हवल्दार

मज्जाको अनलाईन समाचार, काठमाण्डौ, कार्तिक १३– आफ्नै सहकर्मीबाट बलाकृत भएकी प्रहरी हवल्दार सुन्तली धामी माथिको सत्य घटनामा बनेका चलचित्र     ‘हवल्दार सुन्तली’ को फष्टलुक पोष्टर सार्वजनिक भएको छ ।

छविराज प्रोडक्सनको ब्यानरमा बनेको चलचित्र ‘लज्जा’ गत शुक्रवारदेखि देशभर प्रदशर्न भइरहँदा सोही ब्यानरमा निर्माण भएको    ‘हवल्दार सुन्तली’ को फष्टलुक सार्वजनिक भएको हो । ‘लज्जा’ बाट डेब्यु नायिका शिल्पा पोखरेलको नै यस चलचित्रमा मुख्य भुमिकामा छिन् । उनीसंगै किशोर खतिवडा र सविन श्रेष्ठ पनि मुख्य भूमिकामा छन् ।

फष्टलुकमा शिल्पा एक प्रहरी हवल्दारको पोशाकमा उभिएर सलाम ठोक्दै गरेको अवस्थामा देखिएकी छिन् । सोही फष्टलुकमा शिल्पालाई सविन र किशोरसंग पनि देखाइएको छ ।

ऋषि लामिछानेले निर्देशन गरेको यो फिल्मलाई आउँदो चैत्र २७ गते प्रर्दशन गर्ने उद्देश्य सहित छविराज प्रोडक्सनले फष्टलुक पोष्टर बाहिर ल्याएको जानकारी दिएको छ ।  ‘हामीले लज्जाबाट सफलता हात पारिसक्यौ अबको ध्यान हवल्दार सुन्तली तर्फ रहेकाले आज फष्टलुक सार्वजनिक गरेका हौ ’ निर्माता छविराज ओझाले भने ।

‘हवल्दार सुन्तली’ प्रर्दशन हुने दिन विनय श्रेष्ठको फिल्म रेशम फिलिली पनि प्रर्दशन हुँदैछ ।