गीतकार रश्मि मैनालीको गीति एल्बम ‘नयन’ सार्वजनिक भएको छ । आइतबार राजधानीको चाबहिल स्थित चलचित्र बिकाश बोर्डको हलमा एक कार्यक्रमको आयोजना गर्दै एल्बमको सार्वजनिक गरिएको हो ।

चलचित्र बिकाश बोर्डका अध्यक्ष दयाराम दहाल त्यस्तै चलचित्र निर्माता निर्देशक तुल्सी घिमिरे लगायतको हातबाट एल्बमको सार्वजनिक गरियो । गीति एल्बम ‘नयन’ मा ६ वटा गीत समाबेश छन् । जसमा कति मधुर, गुँरासको ओठबाट, जिन्दगी पतझड, सजाउँछु भन्थे, तिमीबाटै घात भएछ र थाम्न सकिन रहेका छन् ।

सार्वजनिक एल्बममा गीतकार रश्मि मैनालीको शब्द, अन्जु पन्त, सुनिता थेगिमको स्वर रहेको छ । त्यस्तै दिपक पाठकको संगीत र स्वर, कमल भट्टराईको संगीत र स्वर रहेको छ । कार्यक्रममा २ वटा गीतको भिडियो समेत देखाइएको थियो ।

For More videos Log on to Mazzako TV