अभिनेत्री मलिका महत सिनेमा यात्राबाट नेपाली फिल्म क्षेत्रमा प्रवेश गरेकी हुन् । मलिकाले यो सिनेमामा गरेको अभिनयको दर्शकले प्रशंसा गरे । तर, सिनेमाको व्यापार औषत रहदा मलिका ओझेलमा परिन् । यसपछि भने उनले सिनेमाको कामको रुपमा पानी फोटोमा काम गरिरहेकी थिइन् । यो सिनेमाको काम रोकिएको छ ।

लकडाउनपछि खासै मिडियामा नदेखिएकी मलिका अहिले भने दर्शकको मनमा छाएकी छिन् । फुलबुट्टे सारी बोलको गीतको भिडियोमा अभिनय गरेपछि मलिकाको चर्चा भएको छ । मिलन नेवारको स्वरमा, राजनराज सिवाकोटीले शब्द तथा संगीत भरेको गीतमा मलिका महतले अभिनेता पल शाहसँग अभिनय गरेकी छिन् । यो गीत हिट छ ।

दर्शकले यात्रा फिल्मबाट नचिनेका मलिका महतलाई यो गीतको भिडियोबाट चिनेका छन् । पानी फोटोपछि मलिकाले अरु कुनै पनि सिनेमामा अभिनय गर्ने पक्का गरेकी छैनन् । तर, भिडियो चल्दा उनलाई फाइदा भने भएको छ ।

For More videos Log on to Mazzako TV