सिनेमा पोई पर्यो काले युटुबमा आएको छ । यो सिनेमा कात्र्तिक महिनामा मात्र हलमा रिलिज भएको थियो । हलमा रिलिज भएको करिब ५ महिनामा नै यो सिनेमा युटुबमा रिलिज गरिएको हो ।
अहिले विश्वभर कोरोनाको महामारी छ । मानिसहरु घरमै लक डाउन छन् । यसैले पनि घरमा बसेर इन्टरनेटमा हेर्नका लागि नयाँ बिषय मानिसहरुले खोजिरहेका छन् । यो समयमा यसको निर्माणपक्षले सिनेमा युटुबमा रिलिज गरेको हो ।

शिशिर राणाको निर्देशनमा तयार भएको सिनेमा पोई पर्यो कालेमा पुजा शर्मा, आकाश श्रेष्ठ, सौगात मल्ल, श्रृष्टी श्रेष्ठ, सोहित मानन्धर लगायतका कलाकारको अभिनय छ ।

यो सिनेमालाई किरण नेपालीले निर्माण गरेका हुन् । सिनेमा युटुबमा आएसँगै दर्शकले निर्माणपक्षलाई धन्यवाद पनि दिएका छन् । तिहारमा रिलिज भएको यो सिनेमाले बक्स अफिसमा सुखद कारोबार गरेको थियो ।

For More videos Log on to Mazzako TV