हाँस्यकलाकार तथा समाजसेवी धुर्मुस–सुन्तलीले निर्माण तथा अभिनय रहेको फिल्म ‘सेन्टी भाइरस’ को पहिलो गीत सार्वजनिक भएको छ । बिहिबार राजधानीमा एक कार्यक्रमको आयोजना गर्दै फिल्ममा समाबेश ‘फनफनी’ बोलको गीत सार्वजनिक गरिएको हो । डिपी खनालको शब्द रहेको गीतमा शङ्कर थापाले सङ्गीत भरेका हुन् । रामबाबु गुरुङले निर्देशिन फिल्मको गीतमा मेलिना राई र काली प्रसाद बास्कोटाको स्वर छ ।

गीत सार्वजनिक कार्यक्रममा सिताराम कट्टेल धुर्मुस उपस्थित थिएनन् । उनि चितवनमा रंगशालको कामले उपस्थित हुन् सकेनन् । गीतमा दयाहाङ राई, सिताराम कट्टेल, कुञ्जना घिमिरे, अञ्जलि अधिकारी, बुद्धि तामाङ र विल्सन विक्रम राई प्रस्तुत छन् ।

फिल्ममा सिताराम कट्टेल, कुञ्जना घिमिरे, दयाहाङ राई, विल्सन विक्रम राई, वुद्दि तामाङ, कमलमणि नेपाल, राजाराम पौडेल, सुर्यमाला खनाल, वसन्त भट्ट र दीपक आचार्यको मुख्य भूमिका रहेको छ । सुबिहानी फिल्मस प्रालिको ब्यानरमा निर्माण हुने फिल्ममा डिन्डु लामा ह्योल्मोको लगानी रहेको छ भने फुर्पा लामा सह(निर्मातामा रहेका छन् ।

‘सेन्टी भाइरस’ मा राजनराज सिवाकोटी र कालीप्रसाद बास्कोटाको सङ्गीत, शैलेन्द्र डी कार्कीको छायाङ्कन, निमेष श्रेष्ठको सम्पादन, कुमार कट्टेल र दीपक आचार्यको लेखन रहेको छ ।

For More videos Log on to Mazzako TV