बहुप्रतिक्षित फिल्म ‘छ माया छपक्कै’ को पहिलो गीत सार्वजनिक भएको छ । दिपेन्द्र लामा निर्देशित फिल्मको ‘जुनको जुनेली’ बोलको गीतमा गायिका मीना निरौला र बसन्त थापाको स्वर रहेको छ । गीतमा राजेन्द्र थापाको शब्द रहेको छ भने संगीत बसन्त थापाले गरेका हुन् ।

सार्वजनिक गीतको भिडियोमा फिल्ममा अधिकांश कलाकार प्रस्तुत छन् । गीत रिलिजसंगै प्रदर्शन मिति पनि तय गरिएको छ । फिल्म असोज २४ बाट अलनेपाल सार्वजनिक प्रदर्शन हुने छ । यसअघी दशैँमा प्रदर्शनमा आउने चर्चा रहेको छ माया छपक्कै बलिउड फिल्म ‘वार’ का कारण दशैँ पछी सरेको हो ।

आमा सरस्वती मुभिज र रोहित अधिकारी फिल्मस्को संयुक्त ब्यानरमा निर्माण भएको फिल्ममा दिपकराज गिरी, केकी अधिकारी, जितु नेपाल, केदार घिमिरे, सुपुष्पा भट्ट, बुद्धि तामाङ, रजनी गुरुङ लगायतका कलाकारहरुको अभिनय छ । फिल्ममा सल्लाहकार निर्देशकको रुपमा दीपाश्री निरौला रहेकी छिन् ।

रोहित अधिकारीको निर्माण रहेको फिल्ममा कार्यकारी निर्माताको रुपमा केदार प्रसाद घिमिरे र जितु नेपाल रहेका छन् । फिल्मका सह(निर्मातामा ताराचन्द्र बजगाई निशान, सुमन गिरी भान्जा, केशव न्यौपाने, दिपेन्द्र खनिया, सुरज बम ठकुरी, रबिन डाँगी लगायत रहेका छन् ।

निर्देशक लामाकै कथा रहेको फिल्ममा पटकथा दीपकराज गिरीको रहेको छ भने दीपकराजसंगै केदार प्रसाद घिमिरे, जितु नेपाल र अभिमन्यू निरवीको संवाद, रोशन श्रेष्ठको द्वन्द, हरी हुमागाईको डिओपी, कविराज गहतराजको कोरियोग्राफी, बिपिन मल्लको सम्पादन रहेको छ ।

For More videos Log on to Mazzako TV