चलचित्र पत्रकार संघ नेपालले चलचित्र पत्रकारिता दिवसका अवसरमा प्रदान गर्दै आइरहेको चलचित्र पत्रकारिता सम्मान यस वर्ष रेडियो नेपालमा कार्यरत वरिष्ठ पत्रकार डा. नवराज लम्साललाई प्रदान गर्ने निर्णय गरेको छ । संघको शुक्रवार बसेको कार्य समितिको बैठकले प्रत्येक वर्षझैँ यसपल्ट पनि चलचित्र पत्रकारितामा सक्रिय रहेका दुई जनालाई चलचित्र पत्रकारिता पुरस्कार दिने निर्णय गरेको हो ।

सगरमाथा टेलिभिजनमा फिल्म सम्बन्धी कार्यक्रम सञ्चालन गर्दै आइरहेका पारस पौडेल र अनलाइनखबर डटकमका रंग पत्रकार विजय सुवेदी ‘आवाज’ लाई पुरस्कृत गर्ने निर्णय गरिएको छ । सम्मानित हुनेले पाउँदै आएको १५ हजार रुपैयाँ रहेको यो पुरस्कारको राशि यस वर्षबाट बढाएर २१ हजार रुपैयाँ पु¥याइएको छ । संघले यस वर्षबाट चलचित्र पत्रकारिता प्रोत्साहन पुरस्कार पनि दिने भएको छ । यो पुरस्कार पहिलो पोस्ट डटकमकी स्वेच्छा राउतलाई दिने निर्णय संघले गरेको छ । प्रोत्साहन पुरस्कारस्वरूप उनलाई ल्यापटप प्रदान गरिनेछ । संघको बैठकले जेठ–७ गतेको कार्यक्रम सभ्य र भव्य तरिकाले मनाउने निर्णय गरेको महासचिव अनिल यादवले जारी गरेको विज्ञप्तीमा उल्लेख छ ।

For More videos Log on to Mazzako TV