काठमाण्डौको पाँच तारे होटल एभरेष्टमा भव्य कार्यक्रम गरेर मुहुर्त गरिएको फिल्म न्यू इयर अब बन्दैन भन्नेमा यसका निर्देशक, अभिनेत्री पनि देखिएका छन् । फिल्म बन्ने नबन्ने बिषयमा न निर्देशक प्रविण श्रेष्ठलाई नै केही थाहा छ न यसकी मुख्य अभिनेत्री वेनिशा हमाललाई नै केही थाहा छ ।

benisha
फिल्म नबन्दा अभिनेत्री वेनिशा हमालको करिअर पूर्ण रुपमा ओझेलमा परेको छ । म्यूजिक भिडियो खेलेर मात्र करिअरलाई अगाडि बढाउन नसकिने भएकाले पनि वेनिशाका लागि न्यू इयर नबन्नु ठूलो झट्का हो ।

गृहेन्द्र घिमिरेले निर्माण गर्ने भनिएको यो फिल्मको छायांकन अष्ट्रेलियामा गर्ने चर्चा थियो । तर, फिल्म नै नबनेपछि अष्ट्रेलियाको चर्चा पनि सेलाएको छ । फिल्मका अभिनेता अनुपविक्रम शाही त अन्य फिल्ममा व्यस्त छन् । तर, अभिनेत्री वेनिशा हमाल भने भिडियोमै सिमित बनेकी छिन् ।

अभिनेत्री केकी अधिकारी, रीमा विश्वकर्मासँगै एकसाथ फिल्म क्षेत्रमा प्रवेशी गरेकी वेनिशाका लागि नयाँ बर्ष नाम गरेको फिल्म फापेन ।

For More videos Log on to Mazzako TV