लहान । डा सिके राउत नेतृत्वको स्वतन्त्र मधेस गठबन्धनमा आबद्ध तीनजना नेता कार्यकर्तामाथि सिरहा प्रहरीले राज्यविरुद्ध अपराध तथा कसुर सजाय ऐनअन्तर्गत मुद्दा चलाएको छ ।

सिरहाको लहान नगरपालिकाबाट शनिबार पक्राउ परेका गठबन्धनका तीनजनामाथि इलाका प्रहरी कार्यालय, लहानले राज्यविरुद्ध अपराध तथा कसुर सजाय ऐनअन्तर्गत मुद्दा चलाई आवश्यक कारबाहीका लागि विशेष अदालत काठमाडौँ पठाइएको जिप्रका, सिरहाका प्रमुख तथा प्रहरी उपरीक्षक श्याम ज्ञवालीले जानकारी दिए ।

प्रहरीले सिरहाको धनगडीमाई नगरपालिका विष्णुपुरकट्टी निवासी ४० वर्षीय चन्देश्वर महतो, लहान नगरपालिका– ८ निवासी ३० वर्षीय विष्णुदेव चौधरी, २२ वर्षीय सन्तोष महतो, लहान नगरपालिका– २१ निवासी २० वर्षीय रमेश महतो र सोही नगरपालिका– १३ निवासी २६ वर्षीय सुदीपराज कुशवाहालाई पक्राउ गरेको थियो ।

CK Raut's Military Traningपक्राउ परेकामध्ये चन्देश्वर महतो, विष्णुदेव चौधरी र सुदीपराज कुशवाहा राष्ट्रिय अखण्डतामाथि आँच आउने गतिविधिमा संलग्न रहेको अनुसन्धानका क्रममा पाइएकाले उनीहरुमाथि राज्यविरुद्ध अपराध तथा कसुर सजाय ऐनअन्तर्गत मुद्दा चलाएको प्रहरी उपरीक्षक ज्ञवालीले बताए । पक्राउ पर्नेहरुमध्य विष्णुदेव चौधरी गठबन्धनका नेता हुन् ।

उनीसँगै पक्राउ परेका सन्तोष महतो, रमेश महतोलाई तत्काल निर्दोष देखिएकाले छाडिएको छ ।

सिराहाका विभिन्न स्थानमा मधेसलाई बेग्लै मुलुक बनाउने उद्देश्यका साथ सैन्य शैलीको तालिम सञ्चालन गरिरहेको अभियोगमा उनीहरुलाई पक्राउ गरिएको हो।

चार जनालाई हिजो लाहन नगरपालिका वडा नम्बर २१ कटहामा एक विद्यालयमा यस्तै सैन्य शैलीको कार्यक्रम सञ्चालन गरिरहँदा प्रहरीले शनिवार पक्रेको हो।

For More videos Log on to Mazzako TV