मज्जाको अनलाईन, मंसीर १४ गते, सोमबार, २०७२, काठमाण्डौं ।

सडक बालबालिकाहरुको कथालाई उठान गरिएको चलचित्र ‘चकलेट’ले आज राजधानीमा ‘थ्याङ्स गिभिङ’को कार्यक्रम अयोजना गरेको छ । चलचित्रलाई सहयोग गर्ने सबैलाई धन्यवाद दिनका लागि अयोजना गरिएको कार्यक्रममा चलचित्रका बारेमा विभिन्न कुराहरु पनि जानकारी गराईयो ।

IMG_7519

निर्मल शर्माले निर्देशन गरेको तथा नायिका पूजना प्रधानले निर्माण गरेको चलचित्र ‘चकलेट’ अगामी शुक्रबार अर्थात मंसिर १८ गते देखि अलनेपाल प्रदर्शनमा आउँदैछ । चलचित्रको प्रर्दशनबाट उठेको पैसाले असहाय बालबालिकाको लागि घर निर्माण गरिनेछ । ‘पचास जना बच्चाहरुलाई बस्ने, खाने र पढ्ने सुविधा सहितको कटेज निर्माण गर्ने हाम्रो लक्ष्य हो’, निर्मात्री प्रधानले भनिन् ‘ब्यबसायिक लक्ष्य नभएर बच्चाहरुको मुहारमा मिठास ल्याउनको लगि चकलेट बनाएको हुँ ।’

IMG_7521

कार्यक्रममा यति डेभ्लपमेन्ट बैङ्कले भवन निर्माणको लागि पूजना लाई सहयोग स्वरुप पच्चीस पच्चीस हजार रुपैयाँ हस्तान्तरण गर्यो भने चलचित्रका कालकार डा. आयुषमान घिमिरेले पनि पच्चीस हजार दिने उद्घोष गरे ।

IMG_7532

कलाकारहरु दिपकराज गिरी, दिपाश्री निरौला, चलचित्र पत्रकार संघका अध्यक्ष शान्तिप्रिय लगायतले चलचित्रलाई सफलताको शुभकामना दिए । सबैको माया र प्रेमले आफु यो स्थानसम्म आएको बताउदै चलचित्रका निर्देशक निर्मलले आफ्नो पहिलो निर्देशकीय प्रयासलाई एकचोटी हेरेर सुझाव दिन पनि अनुरोध गरे । उनले आफुलाई फिल्म निर्देशनमा विश्वास गरेकोमा पूजना प्रति पनि कृतज्ञता प्रकट गरे ।

IMG_7526

चलचित्र ‘चकलेट’मा पूजना र आयुष्मानका अलावा केशव भट्टराई, नम्रता झा, सुमन गैरे, सुनिता ठाकुर, सहित नौ जना बालकलाकारहरुको मख्य भुमिका रहेको छ ।

IMG_7540

IMG_7545

For More videos Log on to Mazzako TV